Haiti futbol yığması Azərbaycanda tarixi hadisəni qeyd edəcək.
Offsideplus.az xəbər verir ki, komanda 100 illik yubiley münasibətilə okeanın o tayından ölkəmizə gəlib.
Məlumatı Haiti Futbol Federasiyası yayıb. Xəbərdə bildirilir ki, Azərbaycanla martın 22-də keçiriləcək yoldaşlıq görüşü məhz yubileyə görə vacib xarakter daşıyır. Haitililər milli komanda səviyyəsində ilk oyununu 25 mart 1925-ci ildə evdə Yamaykaya qarşı keçiriblər.
Martın 17-dən Bakıda məskən salan Haiti yığması hazırlığını bu gün yekunlaşdıracaq. Son məşq Mehdi Hüseynzadə adına Sumqayıt şəhər stadionunda baş tutacaq. Heyətə 24 futbolçu çağırılsa da, düşərgədə 20 oyunçu var.
Azərbaycan - Haiti görüşü martın 22-də saat 21:45-də Mehdi Hüseynzadə adına Sumqayıt şəhər stadionunda start götürəcək.
Onu da əlavə edək ki, Haiti yığması çox az-az yoldaşlıq matçında qüvvəsini sınayır. Onlar axırıncı dəfə belə bir oyunda ilyarım əvvəl mübarizə aparıblar.
BU DA MARAQLIDIR:
