Ötən gün "Səbail"lə "Legiya" arasındakı yoxlama matçını (2:2) izləyənlər arasında "Qarabağ"ın müdafiəçisi Marko Veşoviç də olub. 

Offsideplus.az xəbər verir ki, o, görüşdən sonra Polşa mətbuatına açıqlama verib.

Monteneqrolu futbolçu "Səbail"i ölkəmizin ən zəif komandası adlandırıb: 

"Səbail" Premyer Liqanın ən zəif komandasıdır. Çempionatda ilk üç sırada olan komandaların (red-"Qarabağ", "Sabah" və "Neftçi") yaxşı pulu var".

Qeyd edək ki, 2021-ci ildən "Qarabağ"da çıxış edən Veşoviç, 2018-2021-ci illərdə isə Polşada "Legiya"da oynayıb.