Futbol üzrə Azərbaycan kuboku uğrunda yarışın yarımfinalında iki yeni komanda olacaq.

Offsideplus.az xəbər verir ki, "Sabah" və "Araz-Naxçıvan" tarixilərində ilk dəfə bu mərhələyə qədər irəliləməyi bacarıb.

Yarımfinala ən çox yüksələn klubların siyahısına "Neftçi" başçılıq edir. Bakı təmsilçisi ardıcıl 4-cü, ümumilikdə isə 21-ci dəfə yarımfinala yüksəlib.

"Neftçi"nin ən yaxın izləyicisi "Qarabağ"dır - 20 dəfə.

Qeyd edək ki, ölkə kubokunun yarımfinal görüşləri 2 və 23 aprel tarixlərində baş tutacaq. Finala vəsiqə uğrunda "Araz-Naxçıvan" - Qarabağ və "Neftçi" - "Sabah" görüşləri olacaq.