"Qalatasaray" "Ludoqorets"in oyunçusunu heyətinə cəlb etməyi planlaşdırır.

Offsideplus.az xəbər verir ki, Serjio Oliveyranın "sarı-qırmızılar"dan ayrılacağı halında yerinə Bolqarıstan çempionatında forma geyinən Yakub Piotrovskinin transferi hədəflənib. Bu barədə "Fanatik" məlumat yayıb.

26 yaşlı polşalı "Ludoqorets"in heyətində meydana çıxdığı 107 oyunda 20 qol və 17 məhsuldar ötürməyə imza atıb.

Qeyd edək ki, Piotrovski Çempionlar Liqasının III Təsnifat mərhələsində "Qarabağ"a qarşı baş tutan hər iki oyunda meydana çıxıb.