Son olaraq "Fənərbağça"da baş məşqçi kimi çalışan və bir müddət əvvəl qovulan Domeniko Tedesko İngiltərəyə yollanmağa yaxındır.
Offsideplus.az xəbər verir ki, onun yeni ünvanı Premyer Liqa ola bilər. "Çelsi" rəhbərliyi ötən ay Liam Roseniorun gedişindən sonra boş qalan baş məşqçi postu üçün siyahısını daraldır.
Klubun "A planı" hazırda İspaniya futbolunun iki yüksələn ulduzu üzərində qurulub:
-
Xabi Alonso: Ötən ilin yanvarında "Real Madrid"dən ayrıldıqdan sonra işsiz olan Alonso "Çelsi" rəhbərliyinin xəyalındakı namizəddir.
-
Andoni Iraola: "Bornmut"da göstərdiyi möhtəşəm performans və komandanı Avropa zonasına daşıması onu siyahıda üst pillələrə qaldırıb. Iraolanın müqaviləsinin bu yay bitməsi transferi asanlaşdıran amildir.
"Mavilər"in rəhbərliyi Xabi Alonso və Andoni Iraola ilə danışıqlar uğursuz bitəcəyi təqdirdə, son olaraq "Fənərbağça"nı çalışdıran Domeniko Tedeskonu əsas hədəf kimi müəyyənləşdirib.
Klub daxilindəki mənbələr bildirir ki, 40 yaşlı mütəxəssis artıq "Çelsi"nin qısa siyahısına daxil edilib. Hazırda işsiz olan Tedeskonun Premyer Liqada çalışmağa isti yanaşdığı və tərəflər arasında ilkin təmasların yarandığı iddia olunur.
Əgər Alonso və ya Iraola ilə razılıq əldə olunmasa, "Çelsi"nin Domeniko Tedeskoya üz tutacağı bildirilir. Bunun bir neçə ciddi səbəbi var:
-
Azad agent statusu: Tedesko aprel ayında "Fənərbaxça"dakı vəzifəsindən ("Qalatasaray"a məğlubiyyətdən sonra) azad edilib. O, hazırda heç bir kluba bağlı deyil.
-
Gənc heyətlə işləmək bacarığı: Tedesko "Leypsiq" və Belçika millisində gənc istedadları inkişaf etdirməklə tanınır. Bu, "Çelsi"nin gənclərdən ibarət (Mudrik, Enzo, Palmer və s.) bahalı heyəti üçün ideal hesab olunur.
-
Taktiki uyğunluq: Rəhbərlik Tedeskonun müasir, dinamik və analitik futbol yanaşmasının "Stamford Bridge"ə uyğun olduğunu düşünür.
