19 yaşadək qızlardan ibarət Azərbaycan milli komandası Avropa çempionatının II seçmə mərhələsində növbəti dəfə məğlubiyyətlə üzləşib.

Offsideplus.az xəbər verir ki, yığmamız B Liqasının 4-cü qrupunda yenə böyük hesabla uduzub. 

Bu dəfə futbolçularımız albaniyalı həmyaşıdlarından 4 cavabsız top buraxıblar. Üç gün öncə Şimali İrlandiyayaya qarşı keçiriilən matç da yığmamızın 0:4 hesablı məğlubiyyəti ilə nəticələnmişdi.

Beləliklə, Həbib Ağayevin rəhbərlik etdiyi kollektiv Albaniyanın paytaxtı Tiranada təşkil olunan seçmə oyunlarda növbəti mərhələyə çıxmaq şansını itirib.

Milli komandamız Monteneqro ilə simvolik xarakter daşıyan matçını fevralın 24-də keçirəcək.