Sumqayıtda ümummilli lider Heydər Əliyevin xatirəsinə həsr olunmuş MMA üzrə yarış keçiriləcək.

Bu barədə Offsideplus.az saytına turnirin təşkilatçısı, ASED FIGHTING CHAMPIONSHIP-in təsisçisi Turan Qulamzadə məlumat verib.

Onun sözlərinə görə, ASED-16 adlanan yarışda 12 döyüş baş tutacaq. Bütün görüşlər mayın 7-də Sumqayıt Olimpiya İdman Kompleksində olacaq. Təşkilatçılar turnirin açılış mərasiminə Sumqayıt şəhər İcra hakimiyyətinin başçısı Zakir Fərəcovu da dəvət ediblər.

Xatırladaq ki, bu seriyadan olan son yarış - ASED-15 bu il fevralın 22-də Bakıda "Sərhədçi" İdman Mərkəzində keçirilib.