Offsideplus.az xəbər verir ki, xanım hakim 19 yaşadək qadın futbolçulardan ibarət milli komandalar arasında Avropa çempionatının II seçmə mərhələsinin B Liqasında keçiriləcək oyunları idarə edəcək.

O, qarşıdakı yarışda 3 matçda iş başında olacaq. Belə ki, həmyerlimiz II qrup çərçivəsində aprelin 1-də Farer adaları - Moldova, 7-də isə Moldova - Kipr matçlarının baş hakimi funksiyasını yerinə yetirəcək. Həmçinin aprelin 4-də Estoniya - Moldova qarşılaşmasında dördüncü hakim vəzifəsi F.Lütfəliyevaya tapşırılıb.

FIFA referisi səfərə tək yollanmayıb. Moldovada təşkil olunan qrup matçlarında ölkəmizi Gülnurə Əkbərzadə də təmsil edəcək. O, yuxarıda adları çəkilən görüşlərdə köməkçi hakimi olacaq.