Offsideplus.az xəbər verir ki, xanım hakimlərimiz 19 yaşadək qadın futbolçulardan ibarət milli komandalar arasında Avropa çempionatının II seçmə mərhələsinin B Liqasının II qrupunda Farer adaları - Moldova görüşündə görünməmiş hesab qeydə alıblar. 

Belə ki, Moldovanın Nisperoni şəhərində keçirilən qarşılaşma Farer adaları yığmasının 7:0 hesablı qələbəsi ilə nəticələnib. Bu, ada təmsilçilərinin U-19 komandası üçün tarixdə ən böyük hesablı qələbə olub. Maraqlıdır ki, 2007-ci ildən beynəlxalq yarışlara qatılan Farer adaları komandasının indiyə qədərki ən böyükhesablı qalibiyyəti elə Moldova üzərində olmuşdu (4:0).

 

Həmyerlilərimiz aprelin 7-dək Moldovada qalacaqlar. F.Lütfəliyeva aprelin 4-də Estoniya - Moldova qarşılaşmasında dördüncü hakim, aprelin 7-də isə Moldova - Kipr matçında baş hakim funksiyasını yerinə yetirəcək. G.Əkbərzadə isə bu görüşlərdə köməkçi hakimi olacaq.