Misli Premyer Liqasında XXIX turun oyunları 5-7 aprel aralığında keçiriləcək.
Offsideplus.az xəbər verir ki, qarşıdakı turun mərkəzi görüşü 1-2-ci yerdə qərarlaşan komandalar - "Qarabağ" və "Zirə" arasında olacaq.
Maraqlıdır ki, bu klubların son 3 qarşılaşmasında azarkeşlər ən azı 4 top görürlər. Fevralda keçirilən son oyunda isə qapılara hətta 5 qol vurulub. "Zirə" həmin matçda "Qarabağ"ı 3:2 hesabı ilə məğlub edib. Görəsən, bu bazar günü bizi revanş və yenə bol qollu oyun gözləyir?
XXIX turdan öncə PFL-in hazırladığı maraqlı statistik göstəriciləri təqdim edirik:
Misli Premyer Liqası
XXIX tur
5 aprel (şənbə)
“Səbail” - “Turan Tovuz” – 11 oyun, +2=6-3, top fərqi – 14-15
“Turan Tovuz” bütün oyunlarda qol vurub. “Səbail” son 5 matçda qələbə qazanmayıb.
6 aprel (bazar)
“Sabah” - “Kəpəz” – 11 oyun, +7=3-1, top fərqi – 28-14
Son üç görüşdə 4 və ya daha çox qol qeydə alınıb. “Sabah” hər matçda 2 və ya daha çox qol vurub.
“Qarabağ” - “Zirə” – 38 oyun, +25=11-2, top fərqi – 79-21
“Qarabağ” son 6 oyunda qol vurub. Son üç görüşdə 4 və ya daha çox top qeydə alınıb.
7 aprel (bazar ertəsi)
“Şamaxı” - “Neftçi” – 77 oyun, +16=18-43, top fərqi – 71-122
“Şamaxı” son 9 görüşdə qələbə qazanmayıb. “Neftçi” son üç səfərdə qol buraxmayıb.
“Araz-Naxçıvan” - “Sumqayıt” – 7 oyun, +2=3-2, top fərqi – 4-5
“Sumqayıt” son 3 oyunda qol vurmayıb. “Araz-Naxçıvan” evdə uduzmayıb.
