​"Paris Sen-Jermen"in ulduz futbolçusu Usman Dembele matçdan sonra verdiyi açıqlamalarda karyera yolu və çəkdiyi zəhmət barədə səmimi etiraflar edib.

Offsideplus.az xəbər verir ki, təcrübəli hücumçu hər zaman ağır zəhmət hesabına irəlilədiyini vurğulayıb.

​Karyerası boyunca heç vaxt favorit oyunçu olmadığını qeyd edən Dembele bildirib: “Əvvəl dediyim kimi, mən heç vaxt 'seçilmiş' olmamışam. İnanılmaz dərəcədə çox çalışmalı olmuşam."

​Keçən il əməyinin qarşılığını aldığını xatırladan futbolçu cari mövsümə sakit yanaşdığını qeyd edib: “Ötən il bunun üçün mükafatlandırıldım. Bu il? Görəcəyik, mən rahatam. Həmişə sinfin arxasında olub çox işləmişəm. Karyeram boyu bir kəlmə də danışmamışam. Sadəcə işləmişəm.”