Azərbaycan Basketbol Liqasının 2024/25 mövsümündə yeni komanda mübarizə aparacaq.

Söhbət "Lənkəran"dan gedir. Cənub təmsilçisi yeni mövsüm çempionatda debüt edəcək. 

Görəsən, komanda ev oyunlarını harada keçirəcək? Kollektivi kim çalışdıracaq? Suallarımıza cavab tapmaq üçün "Lənkəran"ın mətbuat katibi Emin Ağaya müraciət etdik. Klub rəsmisi Offsideplus.az.-a açıqlamasında bunları söylədi:

"Oyunlar Lənkəran Olimpiya Kompleksində baş tutacaq. Komandanın baş məşqçisi belaruslu mütəxəssis Georgi Kondruseviç təyin edilib. Yaxın günlərdə klubla bağlı daha dəqiq məlumatlar təqdim edəcəyik. Hazırda bəzi məsələlərin həllini gözləyirik."