Türkiyə Superliqasında mövsümün transferlərindən biri baş tutub.
Offsideplus.az xəbər verir ki, "Fənərbağça" transfer bazarında əsl bomba partladıb. İstanbul təmsilçisi ingilis hücumçu Meyzon Qrinvudun transferi ilə bağlı bütün detalları həll edib və keçidi tamamilə yekunlaşdırıb.
Sarı-lacivərdlilərin bu tarixi transfer üçün xərcləyəcəyi astronomik rəqəmlər və müqavilə şərtləri isə dodaq uçuqladır:
- Transfer dəyəri: "Fənərbağça" bu keçid üçün 40 milyon avro sabit transfer haqqı və 2 milyon avro bonus ödəyəcək.
- Sonrakı satışdan pay: Müqavilədə yer alan xüsusi bəndə əsasən, futbolçunun növbəti satışından əldə olunacaq gəlirin 10 milyon avrodan çox hissəsi onun keçmiş klubu "Mançester Yunayted"ə ödəniləcək.
- Müqavilə müddəti və maaş: Qrinvud Türkiyə klubu ilə 2030-cu ilin yayına qədər qüvvədə olacaq uzunmüddətli müqavilə imzalayıb. Onun mövsümlük maaşı təxminən 10 milyon avro təşkil edəcək.
Bu keçid həm "Fənərbağça", həm də Türkiyə futbol tarixi üçün ən baha başa gələn transferlərdən biri olaraq qeydə alınıb.
