“Arsenal”ın yeni idman direktoru Andrea Berta ilk transfer hədəflərindən biri kimi Viktor Qyökeresi müəyyən edib.

Offsideplus.az xəbər verir ki, İngiltərə klubu “Sportinq”in hücumçusunu heyətinə qatmaq üçün danışıqlara başlayıb.

Qyökeres bu mövsüm Portuqaliya çempionatında və Avropa arenasında göstərdiyi yüksək performansla diqqət çəkir. 25 yaşlı isveçli forvard “Sportinq”də əsas qol ümidlərindən biridir və onun müqaviləsində 100 milyon avro sərbəstqalma maddəsi yer alır.

“Arsenal”ın Berta rəhbərliyində bu transferi reallaşdırmaq üçün ciddi addımlar atacağı gözlənilir. London klubu Qyökeresi hücum xəttində rəqabəti artırmaq üçün ideal variant hesab edir.