7 iyunda Merab Dvalişvili ilə Şon O’Mellinin revanş döyüşünə çıxacaq.

Offsideplus.az xəbər verir ki, ilk görüşdə gürcü döyüşçü amerikalını üstələmişdi. Növbəti döyüş haqqında danışan Şon O’Melli bunları deyib:

“Bu döyüş məni həyəcanlandırır və özümü möhtəşəm hiss edirəm – 2022-ci ildə Petr Yanla döyüşdüyümdən bəri bu qədər yaxşı formada olmamışdım. Əgər son həftələrdəki məşq tempimizi döyüşə qədər qoruyub saxlaya bilsək, əvvəlki döyüşə nisbətən 70 faiz daha yaxşı formada olacağam. Daha çevik, daha sürətli olacağam və tam potensialımı göstərəcəyəm.

Ötən döyüşdəki çıxışımdan razı qaldım, xüsusən də o an necə hiss etdiyimi nəzərə alsaq. Çətin bir vəziyyət idi. Mən qalib gəlmədim, amma düşünürəm ki, o vaxt qalib gəlməməli idim. Bu revanş mütləq olmalı idi. Bu, mənim revanşdakı qələbəmi daha da möhtəşəm edəcək. Əgər mən Merabı ilk döyüşdə məğlub etsəydim, onu sadəcə güclü bir döyüşçü kimi görərdilər. Amma o, məni məğlub etdi, sonra da Umar Nurməhəmmədovu yendi. Mən ona sonsuz minnətdaram. O, məni təkcə daha yaxşı döyüşçü yox, həm də daha yaxşı insan etdi. Məğlubiyyət qəribə bir şeydir. Harada çətinlik varsa, orada inkişaf üçün imkan da var”.

Qeyd edək ki, Merab Dvalişvili ilə Şon O’Melli arasında UFC yüngül çəki dərəcəsində titul uğrunda revanş döyüşü UFC 316 turnirinin əsas hadisəsi olaraq elan edilib. Turnir 7 iyun tarixində Nyuarkda baş tutacaq.