"Turan Tovuz" heyətini yeni legionerlə gücləndirib.
Offsideplus.az xəbər verir ki, Tovuz təmsilçisi fransalı yarımmüdafiəçi Stiv Beusnardı transfer edib.
Bu barədə klubun mətbuat xidməti məlumat yayıb.
34 yaşlı futbolçu ilə 2 illik müqavilə imzalayıb.
"Monpelye" klubunun yetirməsi olan təcrübəli oyunçu son mövsümü Fransa Liqa 2 təmsilçisi "Pau"da keçirib və bu komandanın heyətində 27 matçda meydanda olub.
Beusnard karyerası ərzində vətənində "Bezye" və "Ayaçço" kimi klubların da şərəfini qoruyub.
