"Real Madrid" transfer bazarında sensasiyalı addım atmağa hazırlaşır. 

Offsideplus.az xəbər verir ki, Madrid təmsilçisi əzəli rəqibi "Barcelona"nın hücumçusu Ferran Torresin vəziyyətini yaxından izləyir.

"Kral klubu" hücum xəttində rotasiya imkanlarını genişləndirmək və hücumun müxtəlif mövqelərində oynamaq bacarığı olan ispaniyalı futbolçunu heyətinə qatmaq variantını nəzərdən keçirir.

Bu barədə Fransanın nüfuzlu "L'Equipe" nəşri məlumat yayıb.

Kataloniya təmsilçisində əsas heyət uğrunda kəskin rəqabətlə üzləşən 26 yaşlı forvardın komandadakı gələcəyi hələ ki sual altındadır. 

Onunla eyni zamanda PSJ və "Aston Villa" da maraqlanır.

Ferran ötən mövsüm bütün turnirlərdə 49 oyuna çıxıb və 21 qol vurub.

Qeyd edək ki, o, dünya çempionatının finalında İspaniya yığmasına çempionluğu gətirən qolun da müəllifi olub.