İspaniya nəhəngi "Real Madrid" klubu bu yay heyətdə ciddi dəyişikliklər etməyi planlaşdırır.
Offsideplus.az xəbər verir ki, yayılan son məlumatlara görə, komandanın 10-a yaxın futbolçusu ilə yolların ayrılması gündəmdədir.
Klubun bu addımı "Santyaqo Bernabeu"ya geri qayıdacağı gözlənilən Joze Mourinyonun rəhbərliyi altında qurulacaq yeni layihənin tərkib hissəsidir. Portuqaliyalı mütəxəssisin komandaya gəlişi ilə böyük bir yenidənqurma mərhələsinin başlayacağı bildirilir.
"Real Madrid"dən ayrılacaq iddia edilən oyunçular arasında Andriy Lunin, David Alaba və Dani Sebalyos ilə yanaşı, komandanın əsas fiqurlarından hesab olunan Eduardo Kamavinqa və hətta Federiko Valverdenin də adları çəkilir.
Komandanın ən böyük ulduzlarından biri olan Vinisius Juniorun da klubdakı taleyi sual altındadır. Yeni müqavilə ilə bağlı danışıqlar hələ də müsbət nəticələnməyib.
"Real Madrid" rəhbərliyinin braziliyalı cinah oyunçusu ilə ortaq məxrəcə gələ bilmədiyi təqdirdə, yaxşı bir transfer təklifi qarşılığında onun satışını dəyərləndirməyə isti yanaşdığı qeyd olunur.
