NТD basketbol klubu Azərbaycan Kubokunda tarixi qələbə qazanıb.

Offsideplus.az xəbər verir ki, finalda inamlı çıxış edərək çempionluğu əldə edən komanda uzun illər davam edən səylərinin bəhrəsini görüb. Klubun prezidenti Bəhram Abdinov bu nailiyyətin əhəmiyyətini vurğulayaraq komandanın keçdiyi çətin yolu və qələbəyə aparan amilləri dəyərləndirib. O, omandasının Azərbaycan Kubokundakı qələbəsi ilə bağlı fikirlərini bölüşüb:

“Bu Kubok bizim üçün çox böyük əhəmiyyət daşıyır. Tamamilə fərqli hisslərdir. Son üç ildə Azərbaycanda basketbol tamamilə dəyişib. Ötən iki mövsümdə həm çempionatda, həm də Kubokda finalın bir addımlığında dayandıq. Buna görə də bu qələbə bizim üçün çox önəmlidir. Maraqlı məqam isə odur ki, bu mövsüm bizi heç kim ciddi qəbul etmirdi. Hazırda NТD Liqada A qrupunda sonuncu pillədə qərarlaşıb. Belə hallar olur. Lakin biz komandamızı yenidən formalaşdırdıq, oyunlara yaxşı hazırlaşdıq və layiqli titul qazandıq. Ən sevindirici məqam isə heyətimizdə yerli 16 yaşlı oyunçuların da çıxış etməsidir. Murad Babaev nə yarımfinalda, nə də finalda oynadı. Onun yerinə meydana çıxan gənc oyunçular qələbəmizdə böyük rol oynadı. Bu, məni çox sevindirir”.