2024-cü ilin final seriyasının MVP-si Ceylen Braun NBA 2K27 oyunundakı reytinqi ilə bağlı narazılığını bildirib. "Filadelfiya Siksers"in ulduz müdafiəçisi yeni versiyada ümumi 91 xal alıb. Oyunçunun üçxallı atışları 80, orta məsafədən atışları 90, top idarəetməsi 86, səbətə doğru keçidləri 94, atletik göstəriciləri 85, oyun quruculuğu 79, müdafiəsi isə 74 balla qiymətləndirilib.

Offsideplus.az xəbər verir ki, Braun reytinqlə bağlı bunları deyib: "Orta məsafədən atış reytinqinin bir qədər aşağı olduğunu düşünürəm. Mən tez-tez orta məsafədən atış edirəm. Özümü bir qədər haqsızlığa uğramış hiss edirəm (gülür). Oyun quruculuğu və ötürmələr də daha yüksək olmalı idi. Keçən mövsüm ümumi reytinq neçə idi? 93? Niyə indi azalıb?"