Bu gün Azərbaycan Kuboku uğrunda yarışda yarımfinal mərhələsi start götürüb.

Offsideplus.az xəbər verir ki, günün ilk qarşılaşması Mərdəkanda keçirilib.

"Liv Bona Dea Arena"da "Araz-Naxçıvan" "Qarabağ"ı qəbul edib. Bu, ölkə kuboku tarixində adıçəkilən komandalar arasında ilk görüş olub.

Oyun "Araz-Naxçıvan"ın minimal hesablı qələbəsi ilə nəticələnib. Yeganə qol 11 metrlik cərimə zərbəsindən vurulub. Penalti epizodunda hakimin qərarına əsəbiləşən "Qarabağ"ın baş məşqçisi Qurban Qurbanov hətta əlindəki planşeti təpiklə sındırıb. Onun yetirmələri nə qədər çalışsalar da, məğlubiyyətdən xilas ola bilməyiblər.

Cavab matçı aprelin 23-də keçiriləcək.

Azərbaycan Kuboku, yarımfinal, ilk oyun

“Araz-Naxçıvan” – “Qarabağ” 1:0 (ikinci hissə)

Felipe Santos, 28 (pen.)

"Liv Bona Dea Arena". Saat 17:00

Hakimlər: Elçin Məsiyev, Elşad Abdullayev, Pərvin Talıbov, Kamal Umudlu

VAR: Nicat İsmayıllı

AVAR: Eyyub İbrahimov

Hakim-inspektor: Anar Salmanov

60-cı dəq. "Qarabağ"ın məşqçilər korpusu birdən-birə 4 dəyişikliyə əl atır. Abdullah Zubir, Elvin Cəfərquliyev, Leandro Andrade və Kadi Borqes mübarizəyə qoşulur