"Qalatasaray" klubu idman infrastrukturunda inqilab etməyə hazırlaşır.
Offsideplus.az xəbər verir ki, İstanbul nəhənginin "Aslantəpə Layihəsi" çərçivəsində inşa edəcəyi müasir obyektlərin siyahısı və detalları rəsmən açıqlanıb.
Ümumi tikinti sahəsi 165 min kvadratmetr təşkil edən nəhəng kompleksdə idmanın müxtəlif növləri üçün nəzərdə tutulmuş yüksək səviyyəli şərait yaradılacaq.
Yeni layihə çərçivəsində aşağıdakı obyektlərin inşası nəzərdə tutulub:
Basketbol Arenası: 13 000 nəfərlik tamaşaçı tutumu və 100 xüsusi loja;
- Basketbol məşq zalı: 600 nəfərlik;
- Voleybol zalı: 3 500 nəfərlik;
- Cüdo və çoxməqsədli zal: 1 000 nəfərlik;
- Qapalı üzgüçülük hovuzu: 500 nəfərlik;
- Düşərgə korpusu: 90 otaqlı xüsusi yaşayış və hazırlıq obyekti;
- Avtodayanacaq: 1 500 nəqliyyat vasitəsi üçün;
- "Black Box" performans zalı: 300-800 nəfərlik çoxfunksiyalı məkan.
"Qalatasaray" azarkeşlərinin böyük maraqla gözlədiyi bu nəhəng layihənin təməlatma mərasimi 23 aprel tarixində baş tutacaq.
Kompleksin istifadəyə verilməsi ilə "sarı-qırmızılılar" həm maliyyə gəlirlərini artırmağı, həm də həvəskar budaqları vahid mərkəzdə toplamağı hədəfləyir.
