“Mançester Yunayted” Almaniyalı baş məşqçi Julian Naqelsmann ilə ilkin təmaslara başlayıb.

Offsideplus.az xəbər verir ki, klubun texniki direktoru Kristofer Vivell Naqelsmannın təyinatını güclü şəkildə dəstəkləyir.

Klub rəhbərliyi hesab edir ki, Naqelsmann “Liverpul”da Yurgen Kloppun əfsanəvi uğurundan sonra Premyer Liqaya damğa vuran növbəti alman məşqçi ola bilər. Sir Cim Ratklif və Kristofer Vivellin klubdakı təsiri son vaxtlar xeyli artıb və Vivell alman çalışdırıcının oyun üslubunun böyük pərəstişkarıdır.

Lakin “Mançester Yunayted”in kapitanı Bruno Fernandeş və bir neçə əsas futbolçu hazırkı müvəqqəti baş məşqçi Maykl Karrikin komandada qalmasını qəti şəkildə dəstəkləyir.

Ssenarilər:

• Əgər Karrik ayrılarsa, Bruno Fernandeşin klubda qalması həftəlik 400 min funt maaş + bonuslu yeni müqavilədən asılı olacaq.

• Əgər Karrik qalarsa, portuqaliyalı yarımmüdafiəçi hər iki tərəfi qane edən böyük maaşla müqavilə danışıqlarına açıqdır.

Julian Naqelsmann hazırda əsas namizədlərdən biri kimi önə çıxır və onun nümayəndələri ilə erkən mərhələdə danışıqların artıq başladığı bildirilir.