Misli Premyer Liqasının 19-cu turunda "Səbail" səfərdə "Sumqayıt"a 2 cavabsız qolla qalib gəldi.

Offsideplus.az xəbər verir ki, oyundan sonra qonaqların çalışdırıcısı Cavid Hüseynov mətbuat konfransında iştirak etdi.

Mütəxəssis bunları söylədi: "Fasilədən sonra ilk oyun idi. Çətin oyun oldu. Amma buna baxmayaraq qələbə qazana bildik."

Cavid Hüseynov transferlərlə bağlı suala belə cavab verib: "Maliyə sıxıntımız var. Bir neçə transfer etmək istəyirik, sadəcə maliyə imkanlarımız əl vermir. Hər bir halda indidən bir şey deyə bilmirəm. Ola bilər ki, yeni transferlər olsun."