UFC-nin yüngül çəki döyüşçüsü Paddi Pimblett növbəti rəqibinin İliya Topuriya olacağını düşünür. O bildirib ki, hazırda diviziondakı əksər idmançıların döyüşləri planlaşdırılıb və yalnız bir neçə ad açıq qalır.

Offsideplus.az xəbər verir ki, Pimblett bu barədə belə danışıb: "Hazırda nə baş verdiyini bilmirəm. Tezliklə hər şey aydın olacaq. Divizionumda olan döyüşçülərin hamısının qarşılaşmaları var. Görünür, Oliveyra BMF kəməri uğrunda Lopezlə döyüşəcək, Tsarukyan isə Geyci ilə qarşılaşacaq. Məndən yuxarıda olanlardan yalnız Hollouey və Topuriya qalır. Maks üçüncü dəfə Makqreqorla döyüşəcək. Əslində, yalnız Topuriya qalır. Gələn bir neçə ayda nə baş verəcəyini görəcəyik."

Qeyd edək ki, İliya Topuriya son döyüşünü iyun ayında keçirib və Castin Geyciyə uduzub. Paddi Pimblett isə iyulda UFC 329 turnirində Benua Sen-Denini ilk raundda məğlub edib. Pimblett əlavə edib: "Topuriyaya hörmət edirəm, onu yaxşı döyüşçü sayıram. Amma Tsarukyana hörmətim yoxdur – o, səhər yeməyində 2 min dollarlıq kürü yeyir."