UFC 330-un rəsmi çəkiölçmə mərasimində əsas diqqət İslam Maxaçev və İan Maçado Qarri arasında keçiriləcək titul döyüşünə yönəlib.

Offsideplus.az xəbər verir ki, hər iki döyüşçü 170 funt çəki limitini problemsiz keçib və qarşılaşma rəsmiləşib. Bu döyüş Maxaçev üçün ikinci çəki dərəcəsində ilk titul müdafiəsi olacaq.

Maxaçev bu qələbə ilə UFC tarixində iki fərqli çəki dərəcəsində titulunu müdafiə edən azsaylı döyüşçülər sırasına qoşula bilər. Eyni zamanda, ardıcıl 17-ci qələbəsini qazanarsa, Anderson Silvanın rekordunu geridə qoyacaq. Əsas döyüş üçün ehtiyat döyüşçü Maykl Morales də 170 funt çəkidə çəkiölçmədən uğurla keçib və lazım olarsa, əsas döyüşçülərdən birini əvəz edə bilər.

Gecənin ikinci əsas qarşılaşmasında Makkenzi Dern və Gillian Robertson arasında çəki dərəcəsi 115 funt olan qadınlar arasında titul döyüşü keçiriləcək. Hər iki idmançı çəki limitini problemsiz keçib. Ümumilikdə, UFC 330-da iştirak edən 24 döyüşçünün hamısı çəkiölçmədən uğurla keçib. Yalnız Çidi Ncoquani ilk cəhddə 171,5 funt çəkidə limitdən bir qədər artıq olsa da, ikinci cəhddə 171 funt çəkini göstərə bilib.

UFC 330-un əsas kartında İslam Maxaçev – İan Maçado Qarri, Makkenzi Dern – Gillian Robertson, Calin Törner – Kaue Fernandes, Mansur Əbdül-Malik – Dastin Stoltzfus, Edson Barboza – Esteban Ribovics döyüşləri baş tutacaq.