​Dünyanın ən nüfuzlu döyüş təşkilatı olan UFC yenidən Azərbaycana qayıdır.

Offsideplus.az xəbər verir ki, bu barədə UFC-nin prezidenti Dena Uayt rəsmi video müraciətində məlumat verib.

​Uayt Bakı şəhərinin gözəlliyini xüsusi vurğulayaraq, bütün idman azarkeşlərini bu möhtəşəm hadisəni canlı izləməyə səsləyib:

"Biz yenidən Azərbaycandayıq! Bakı elə gözəldir ki, mütləq görməyə dəyər. Əgər bura heç vaxt gəlməmisinizsə, biletinizi elə indi alın".

​Milli Gimnastika Arenasında baş tutacaq döyüş gecəsinin proqramı olduqca zəngindir:

Gecənin əsas döyüşündə Rafael Fiziyev və Manuel Torres üz-üzə gələcək.

Qeyd edək ki, Fiziyev çıxdığı son 10 qarşılaşmanın 7-də döyüş bonusu qazanıb. Onun rəqibi Manuel Torres isə nokautları ilə tanınır – o, 17 qələbəsindən 15-ni elə ilk raundda təmin edib.

Gecənin digər maraqlı qarşılaşmasında UFC-nin ən qeyri-adi və fərqli zərbə texnikasına malik iki döyüşçüsü — Şarabutdin (Shara Bullet) və Mişel Pereira qarşılaşacaqlar.

​UFC həyəcanı 27 iyun tarixində Bakıda canlı olaraq yaşanacaq.