Maliyyə problemi Səudiyyə Ərəbistanı liqasına da gəlib çatdı.
Offsideplus.az xəbər verir ki, Kriştiano Ronaldonun da formasını geyindiyi Səudiyyə Ərəbistanının "Əl-Nəsr" klubu ciddi maliyyə sıxıntıları ilə üzləşib.
Yaranan böhran səbəbindən klub rəhbərliyi bəzi inzibati və texniki prosesləri müvəqqəti olaraq dayandırmaq məcburiyyətində qalıb.
Klub daxilindəki gərgin vəziyyətlə bağlı sızan son məlumatlar olduqca diqqətçəkəndir:
- Maaşlar gecikir və əskik ödənilir: Nağd pul axınında yaşanan problemlərə görə bəzi futbolçuların iyun ayı üçün nəzərdə tutulan maaşları tam ödənilməyib, hesablara əskik məbləğlər köçürülüb.
- Transfer fəaliyyəti dondurulub: Klub rəhbərliyi mövcud maliyyə mənzərəsi tam aydınlaşana qədər yeni əcnəbi futbolçuların transferi ilə bağlı bütün rəsmi danışıqları dayandırmaq qərarı alıb.
Böyük büdcəsi ilə tanınan "Əl-Nəsr"in bu böhrandan necə çıxacağı və ulduz futbolçuların bu vəziyyətə necə reaksiya verəcəyi maraq doğurur.
