Bu gün keçiriləcək 10-cu yubiley Formula 1 Azərbaycan Qran-prisi 56 xarici televiziya kanalı və yayım platformasında canlı nümayiş olunacaq.

Offsideplus.az xəbər verir ki, yarışı "Sky", "beIN SPORTS", "Canal+", "ESPN/Disney", "DAZN", "BBC Radio 5 Live" və "Netflix" kimi nəhəng media qurumları yayımlayacaq.

Qeyd edək ki, ötən mövsüm Formula 1 yarışlarını ümumilikdə 72 milyondan çox tamaşaçı izləyib. ABŞ-ın ESPN kanalında keçənilki Bakı yarışını 1,1 milyon insanın izləməsi isə Ştatlar tarixində rekorda imza atmışdı.

Qlobal auditoriyanın əsas payı Böyük Britaniya, Avstriya, Niderland və İtaliyanın payına düşür.