"Paris Sen-Jermen" klubunun ulduz hücumçusu Usman Dembele son çempionat oyununda yaşadığı zədə qorxusuna baxmayaraq, UEFA Çempionlar Liqasının finalında "Arsenal" klubuna qarşı keçiriləcək qarşılaşmada tam hazır olacağını bəyan edib.
Offsideplus.az xəbər verir ki, fransalı futbolçu mətbuata verdiyi açıqlamada azarkeşlərin ürəyinə su səpərək bu sözləri deyib:
"Mən yaxşıyam və finala hazır olacağam... Buna heç bir şübhəm yoxdur."
Qeyd edək ki, Dembelenin zədələnməsi Paris təmsilçisində ciddi narahatlıq yaratsa da, oyunçunun özü 30 mayda baş tutacaq tarixi finalda "Arsenal" klubuna qarşı meydana çıxa biləcəyinə 100% əmin olduğunu vurğulayıb.
