"Mançester Siti"nin baş məşqçisi Pep Qvardiola Çempionlar Liqasının finalında "İnter"ə (1:0)  qalib gəldikləri oyundan sonra mətbuat konfransında görüşlə bağlı fikirlərinin bildirib.

Offsideplus.az "Daily Mail"ə istinadən xəbər verir ki, o, ilk öncə matç haqqında danışıb:

"Bu kuboku qazanmaq çox çətindir! Düşünürəm ki, bu, ulduzlar tərəfindən "Mançester Siti" üçün təyin edilib”.

Daha sonra mütəxəssis jurnalistlərin suallarını cavablandırıb...

- "Siti" İstanbulda "İnter"i 1:0 hesabı ilə məğlub edib. Pep üçün bu, 2011-ci ildən sonra turnirdə ilk, karyerasında isə 3-cü qələbəsidir. Özünüzü necə hiss edirsiniz?

- Yorğun. Sakitləşmiş. Razı. Bu kuboku qazanmaq çox çətindir! Bu turnir sikkə atmağa bənzəyir (qəpik atışını təsvir edir), lakin biz hazır idik. Düşünürəm ki, bunu ulduzlar yazmışdı - kubok bizə məxsusdur.

"Mançester Siti" niyə bu qədər yaxşıdır?

- Hesab edirəm ki, biz cərimə meydançasında bir az daha yaxşı müdafiə olunurduq. Səhv etdiyimiz zaman belə, daha etibarlı görünmək hissi var idi. Bu, bizim ən yaxşı çıxışımız deyildi və biz bunu bilirik. Və bəlkə də bəxtimiz gətirsə və gələcəkdə finalda oynasaq, daha yaxşı görünəcəyik.

- Növbəti məqsədiniz nədir?

- İndi gələn mövsüm haqqında düşünməyə gücüm yoxdur - deyə  "Mançester Siti"nin baş məşqçisi bildirib.

Fəqan İbrahimli