"Liverpul" və "Real Madrid" klubları bu dəfə transfer bazarında rəqib olublar.

Offsideplus.az xəbər verir ki, "Brayton" klubunun və Niderland milli komandasının istedadlı qapıçısı Bart Verbruggen qitənin aparıcı komandalarının diqqət mərkəzindədir.

24 yaşlı qapıçı üçün "Real Madrid", "Liverpul", "Çelsi" və "Mançester Yunayted" kimi nəhənglər ciddi rəqabət aparır.

İspaniya və İngiltərə mətbuatının yaydığı məlumatlara görə, həm "Real Madrid" (Tibo Kurtuanın potensial varisi kimi), həm də "Liverpul" (Alisson Bekkerin uzunmüddətli əvəzləyicisi kimi) gənc qapıçı ilə yaxından maraqlanır.

• "Bernabeu" cazibəsi: Niderlandlı qolkiperin "Real Madrid"dən konkret təklif gələcəyi təqdirdə "Santiago Bernabeu"ya keçmək fürsətini dəyərləndirməkdə çətinlik çəkməyəcəyi və bu təklifə "hə" deyəcəyi bildirilir.

• "Brayton"un mövqeyi: İngiltərə klubu mövsümün tən ortasında — yanvar transfer pəncərəsində əsas qapıçısını satmağa qəti şəkildə qarşıdır.

• Yay transferi və rekord məbləğ: Tərəflər arasında mümkün ayrılığın 2027-ci ilin yayında baş tutacağı ehtimalı daha yüksək qiymətləndirilir. "Brayton"un bu transferdən olduqca yüksək gəlir əldə edəcəyi gözlənilir.