"Barselona" maliyyə sabitliyini bərpa etmək və La Liqanın maliyyə qaydalarına uyğunlaşmaq məqsədilə bu yay gözlənilməz bir ayrılığa hazırlaşır.
Offsideplus.az xəbər verir ki, Kataloniya təmsilçisi fransalı müdafiəçi Jül Kundeni satmaq üçün İngiltərə Premyer Liqasının nəhəngləri ilə təmasa keçib.
Son məlumatlara görə, rəhbərlik 27 yaşlı futbolçu üçün təxminən 50-65 milyon avro (55 milyon funt-sterlinq) civarında gələn təklifləri dəyərləndirməyə hazırdır.
"Çelsi", "Liverpul" və "Arsenal" həm mərkəz, həm də sağ cinah müdafiəçisi kimi çıxış edə bilən Kundeni çox yaxından izləyir. Xüsusilə "Arsenal"ın baş məşqçisi Mikel Arteta və transfer axtarışında olan "Liverpul" oyunçunun universallığına görə bu keçiddə maraqlıdır.
Hansi Flikin komandasında əsas fiqurlardan biri olan və hazırda Fransa millisi ilə Dünya Çempionatında çıxış edən Kundenin müqaviləsi 2030-cu ilə qədər olsa da, klubun iqtisadi vəziyyəti onun bu yay Premyer Liqaya transferini kifayət qədər real edir.
