"PUBG Mobile" sevənlərə şad xəbər. 

Offsideplus.az xəbər verir ki, RED Bull M.E.O turnirində ölkənin ən güclü komandası bəlli olacaq. Qalib kollektiv 5000 manat mükafat qazanacaq. Turnirin əsas tərəfdaşı "Xiamo" şirkətidir. 

Yarış 25 noyabr - 1 dekabr tarixlərində keçiriləcək. 

İştirak etmək istəyən komandalar üçün qeydiyyat artıq açıqdır! Oktyabrın 30-dan http://redbull.az/MEO  linkinə daxil olub qeydiyyatdan keçərək bu həyəcan dolu turnirdə iştirak şansını qaçırma!

Belə ki, turnir iki mərhələdən ibarətdir:

·       Seçmə mərhələsi: 25-29 noyabr

·       Yarımfinal və final: 30 noyabr və 1 dekabr

Turnirdə qalib gəlmək üçün oyunçulardan cəldlik, diqqət və güclü taktiki yanaşma tələb olunur.

4 nəfərdən ibarət komandalar, realistik məkanlarla zəngin oyun mərhələlərində rəqiblərini məğlub edərək irəliləməlidir.

Red Bull M.E.O. 2024 turnirdə 18 yaşına çatmış bütün Azərbaycan vətəndaşları iştirak edə bilər. Yarışda iştirak edən oyunçuların turnir boyu Azərbaycan ərazisində olması mütləqdir.

İştirak ödənişsizdir.