İki ildir Konor Makqreqorla döyüşü gözləyən amerikalı yüngül çəki döyüşçüsü Maykl Çendler, irlandiyalının oktagona geri qayıdacağına şübhə edir.

Offsideplus.az xəbər verir ki, keçmiş Bellator çempionu və UFC çempionluğu üçün keçmiş namizəd olan Çendler, verdiyi müsahibədə bunları deyib:

“Konor həmişə mənim liqayla apardığım danışıqların bir hissəsidir. Onun UFC-yə geri qayıtma yolu mənimlə gedir. Bu, təşkilatın fikridir və mən inanıram ki, Konor da bunu düşünür”.

Bununla yanaşı, o, Konorun geri qayıdacağına inandığını, lakin məntiqi yanaşsa, buna pul qoymayacağını vurğulayıb:

“Konorun əlində olan hər şey bir şəkildə UFC ilə əlaqəlidir. O, öz irsinin ayağını qırdığı döyüşlə sona çatmasını istəyirmi? Mən bilmirəm”.

Çendler, hazırda isə diqqətini Livermütdən olan sarışınla döyüşə yönəltdiyini bildirib.

Qeyd edək ki, 2023-cü ilin iyun ayında Konor Makqreqor, ayağını sındırdığı üçün Maykl Çendlerlə döyüşdən imtina etmişdi. Çendler isə 2023-cü ilin noyabrında Çarlz Oliveira ilə döyüşə çıxmış və beş raundun sonunda məğlub olmuşdu.

Çendlerin növbəti döyüşü 12 aprel 2025-ci ildə UFC 314 turnirində Mayamidə olacaq. Onun rəqibi, təşkilatın britaniyalı ulduzu Paddi Pimblet olacaq.