Portuqaliya millisinin baş məşqçisi Roberto Martines DÇ-2026-nın 1/16 finalında Xorvatiyaya qarşı keçirilən oyunda (2:1) Kriştianu Ronaldunu əvəzləməsinin səbəbini izah edib.

Offsideplus.az xəbər verir ki, ispaniyalı mütəxəssis qərarı barədə bunları söyləyib:

"Heyətimizdə olan fərqli profilli oyunçulardan yararlanmağı bacarmaq vacibdir. Oyunun elə bir məqamı oldu ki, hücum xəttimiz rəqibin sonuncu zonasına daxil olmaqda çətinlik çəkirdi.

Kriştianunun cərimə meydançasında olduğunu nəzərə alsaq, Qonsalu Ramuşun meydana daxil olması rəqibin mərkəz müdafiəçilərinin fəaliyyətinə ciddi təsir göstərə bilərdi.

Vurulan qoldan sonra vəziyyət dəyişdi. Xorvatiya daha çox risk etməli oldu, Modriç və Kovaçiçin meydanın mərkəzindəki əlaqəsi gücləndi. Həmin an bizə daha bir yarımmüdafiəçi və Xorvatiya millisinin bu güclü tərəfini nəzarətdə saxlamaq lazım idi.

Xorvatiyanın dayaq yarımmüdafiəçisinin olmamasından istifadə edərək meydanda iki hücumçu saxlamaq qərarına gəldik - həmin an buna ehtiyacımız var idi. Daha sonra, Xorvatiyanın qapımıza doğru hücuma keçməsi tələb olunan məqamda isə fərqli bir müdafiə strukturuna keçməyin vaxtı gəlmişdi".

Qeyd edək ki, Ronaldu 81-ci dəqiqədə Ruben Neveşlə əvəzlənib. Qonsalu Ramuş isə meydana 63-cü dəqiqədə daxil olub. Ramuşun 90+4-cü dəqiqədə vurduğu qol Portuqaliyanı növbəti mərhələyə yüksəldib.