"Sabah" klubunun sabiq baş məşqçisi, hazırda Rusiya "Krasnodar"ını çalışdıran Murad Musayev ölkə çempionatında növbəti qələbəsini qazanıb.

Offsideplus.az xəbər verir ki, onun rəhbərlik etdiyi kollektiv Rusiya Premyer Liqasının 22-ci turunda "Fakel"i məğlub edib - 5:0.

Gözlənilməz hesab, eləcə də son 10 oyunda qələbəsizlik "Fakel"in baş məşqçisi Dmitri Pyatibratovun istefası ilə nəticələnib. O, matç qurtaran kimi, dərhal paltardəyişmə otağında qərarını açıqlayıb.

Ardıcıl 3-cü qələbəsini qazanan "Krasnodar" zirvədə yerini möhkəmlədib.

Qeyd edək ki, M.Musayev 2021-ci ilin oktyabrından 2024-cü ilin fevralında qədər "Sabah"da çalışıb.