Amerikalı basketbol şərhçisi Kevin O'Konnor bildirib ki, "Qolden Steyt Uorriors" mövsümün gedişində gözləntiləri doğrultmasa, Draymond Qrini transfer edə bilər.

Offsideplus.az xəbər verir ki, O'Konnor bu barədə belə deyib: "Bəlkə də məhz indi komandanın gələcəyi ilə bağlı nələrin baş verəcəyini anlamağa başlayırıq. Düşünürəm ki, transfer pəncərəsinin sonuna yaxın vəziyyət aydın olacaq: 'Görünür, bu, çətin olacaq'. O zaman Draymondun transfer olunduğunu görə bilərik. Stefen Karri isə komandadan ayrılmayacaq. O, karyerasını məhz "Qolden Steyt"də başa vuracaq. Üstəlik, bilet satışı üçün də ona ehtiyac var. Onsuz nə edəcəksiniz? Stefen hələ də NBA-nın ən böyük ulduzlarından biridir və insanlar məhz onu izləmək üçün arenaya gəlirlər. Əgər bu komanda uğur qazanmasa, rəhbərlik tamamilə yeni istiqamət seçə bilər. Batlerin birillik müqaviləsi var, Qrinin də eləcə. Onlar açıq şəkildə 100 milyon dollarlıq başa çatan müqavilələrdən və maliyyə elastikliyindən danışırlar".

Qeyd edək ki, ötən mövsüm 36 yaşlı Draymond Qrin 70 oyunda orta hesabla 8,3 xal, 5,6 assist və 5,5 ribaundla yadda qalıb.