Amerikalı mərkəz Dru Yubanks "Nyu-York Niks"lə qeyri-zəmanətli müqavilə bağlamağa yaxındır. 29 yaşlı və 208 sm boyunda olan Yubanks ötən mövsüm "Sakramento Kinqs"in heyətində çıxış edib. O, NBA-də səkkiz il ərzində 42 oyunda orta hesabla 13,1 dəqiqəyə 5,2 xal və 3 ribaundla yadda qalıb.

Offsideplus.az xəbər verir ki, "Nyu-York Niks"də hazırda əsas heyətdə bir boş yer olsa da (Con Konçarın transferindən sonra), Yubanksın rotasiyaya daxil olması çətin görünür. Komandanın ön xəttində ciddi çatışmazlıq yaşanır və hazırda rotasiyada yalnız Karl-Entoni Tauns və Andre Drummond tam hüquqlu böyük oyunçular kimi qalır.