"Toronto"nun baş məşqçisi Darko Rayakoviç komandasının ulduzu Skotti Barns barədə yüksək fikirlər səsləndirib.

Offsideplus.az xəbər verir ki, Rayakoviç oyunçuların məşqçi uğurunda əsas rol oynadığını bildirib: "Fikrimcə, oyunçular olmadan nə məşqçi, nə də məşqçi uğuru mümkündür. Ən böyük məşqçilərimizə baxın: düşüncə sahibləri, filosoflar, zəhmətkeşlər, amma heç biri oyunçularsız bu səviyyəyə çatmazdı. Onlar oyunçularına qayğı göstərdikləri üçün böyük məşqçi olublar və bu, bütün səviyyələrdə işləyir. Fil Ceksonsuz Maykl Cordan yoxdur. Mənim Maykl Cordanım isə Skotti Barnsdır. Skotti möhtəşəm insandır. Gənc, böyük ürəyə sahib, əsl zəhmətkeşdir. Ona çox minnətdaram. O, bütün NBA-də nadir rast gəlinən, sistemi formalaşdıran və əsas prioriteti müdafiə olan oyunçulardandır. Bu isə mənim işimi xeyli asanlaşdırır".

Barns "Toronto"nun "Klivlend Kavalers"ə qarşı ilk raundun 7 oyunluq seriyasında orta hesabla 24,1 xal, 6,1 ribaund, 8,6 assist, 1,1 top oğurlama və 1,7 blokşutla çıxış edib. O, meydanda orta hesabla 39 dəqiqə keçirib.