Azərbaycanın beynəlxalq yarışlarda ən güclü şahmatçısı Şəhriyar Məmmədyarov Azərbaycan çempionu titulunu qazana bilməyib.

Offsideplus.az xəbər verir ki, 39 yaşlı idmançıya bu yolda Rauf Məmmədov maneçilik törədib. R.Məmmədov öncə yarımfinalda Teymur Rəcəbovu, finalda isə Şəhriyarı üstələyib. Qızıl medalla yanaşı, Rauf 20 min manat pul mükafatına da sahib çıxıb. Finalda uduzan Ş.Məmmədyarov isə 10 min manatla kifyətlənib.

Ölkə çempionatının bürünc mükafatına Misrətdin İsgəndərov layiq görülüb. T.Rəcəbov 3-cü yer uğrunda görüşə çıxmaqdan imtina etdiyinə görə, M.İsgəndərov texniki qələbə qazanıb. 

Qadınların mübarizəsində də qaliblər tay-breykdə müəyyənləşib.

Kişilər

Final

Şəhriyar Məmmədyarov (2732) - Rauf Məmmədov (2656) 1,5 - 2,5

3-cü yer uğrunda oyun

Misrətdin İsgəndərov (2515) - Teymur Rəcəbov (2698) texniki qələbə

Qadınlar

Final

Günay Məmmədzadə (2412) - Gövhər Beydullayeva (2404) 2,5:1,5

3-cü yer uğrunda oyun

Ülviyyə Fətəliyeva (2381) - Gülnar Məmmədova (2335) 1:3