"Fənərbağça" ötən transfer "pəncərəsi"ndə "Qalatasaray"a keçməyə yaxın olan futbolçunu heyətinə cəlb etmək istəyir.

Offsideplus.az xəbər verir ki, "sarı-lacivərtlilər" Rodriqo Bekaonun mövsümü erkən başa vurmasının ardınca müdafiəni gücləndirmək üçün "Roma"ın oyunçusu Mario Hermosonun transferini planlaşdırır. Bu barədə "Corriere dello Sport" məlumat yayıb.

Joze Mourinyonun Hermosonun transferinin yanvar ayında həyata keçirilməsini klub rəhbərliyinə bildirdiyi qeyd olunub.

Xatırladaq ki, 2024/25 mövsümündə İtaliya təmsilçisinin heyətində 13 matçda meydana çıxan Mario 1 qola da imza atıb.