Koronavirus pandemiyasına görə dayandırılan İngiltərə Premyer Liqasının davam etdirilməsi variantlarından biri də müəyyənləşib.

Offsideplus.az xəbər verir ki, çempionat bərpa olunduqdan sonra bütün matçların neytral meydanlarda keçirilməsi də nəzərdən keçirilir. Bunun üçün 10 stadion seçilib. Əsasən milli komanda və kubokların həlledici görüşlərini qəbul edən “Uembli” də bu arenalar sırasındadır.

Dünyanın ən yaxşı stadionları sırasında yer alan idman qurğusunun üstünlüyü yaxında otellərin çox olmasıdır. 

Qeyd edək ki, Premyer Liqanın iyunun 8-də bərpası planlaşdırılır. Tarixin iyunun 12-dək uzanması da istisna edilmir.