Böyük Mançesterin meri Endi Bernam “Mançester Siti” klubunun titullarının əlindən alına biləcəyi iddiaları ilə bağlı mövqeyini açıqlayıb.

Offsideplus.az xəbər verir ki, o, hər hansı qərar verməzdən əvvəl müstəqil komissiyanın hesabatının ətraflı şəkildə öyrənilməli olduğunu vurğulayıb.

• Tələsik qərarlara qarşı çağırış: Bernam qeyd edib ki, klub və Premyer Liqa arasında uzun və mürəkkəb bir proses yaşanıb, ona görə də hər kəs dərhal sərt nəticələrə varmaqdan çəkinməlidir: "Mən müstəqil komissiyanın hesabatına baxmalıyam və insanlar bu cür nəticələrə tələsik varmamalıdılar."

• Mübahisəli proses: Tərəflər arasındakı prosesin çox müzakirəli və çətin keçdiyini xatırladan mer məsələnin sadə olmadığını bildirib: "Bilirəm ki, bu, klubla Premyer Liqa arasında uzun bir proses olub. Düşünürəm ki, bu, olduqca mübahisəli bir prosesdir. Ona görə də düşünmürəm ki, nəticələrə tələsik tullanmaq o qədər də sadədir."

• Ətraflı təhlil zərurəti: Hər hansı yekun fikrə gəlmək üçün sənədlərin diqqətlə oxunmasının vacibliyini diqqətə çatdıran siyasətçi vurğulayıb: "Düşünürəm ki, hər hansı bir nəticəyə gəlməzdən əvvəl hepimiz müstəqil komissiyanın hesabatını kifayət qədər ətraflı şəkildə nəzərdən keçirməliyik."