Gənc və iddialı idmançı Məhəmmədəli Osmanlı qarşıdakı döyüşə hazırlıq prosesi, rəqibi və böyük hədəfləri barədə iddialı açıqlamalar verib.
Offsideplus.az xəbər verir ki, üç ay ərzində çox sərt məşq etdiyini, qidalanmasına və yuxusuna ciddi şəkildə diqqət yetirdiyini bildirən Osmanlı bütün çempionlarla məşq etdiyini vurğulayıb.
Azarkeşlərə vəd: İdmançı qələbə qazanacağı təqdirdə azarkeşlərin çox sevinəcəyinə inandığını qeyd edərək, "Düşünürəm ki, azarkeşlər mən qələbə qazananda xoşbəxt olacaqlar, çünki yaxşı döyüş göstərəcəyəm, yaxşı xarakter göstərəcəyəm" - deyə bildirib.
Rəqibə qarşı sərt mesaj: Rəqibi Sinyiki haqqında danışan Osmanlı onun sadəcə bir güləşçi olduğunu qeyd edərək açıq şəkildə hədələyib: "Mən sadəcə bilirəm ki, o, Sinyikidir, o, güləşçidir və bilirəm qəfəsdə nə baş verir. Mən onun üzünü dağıdacağam... Mən onun üzünü sındıracağam."
Tarixi rekord hədəfi: Cəmi 22 yaşında olduğunu və Con Conusun rekordunu qıraraq dərhal kəməri qazanmaq istədiyini vurğulayan Osmanlı məqsədini bu sözlərlə ifadə edib: "Mən 22 yaşındayam, kəməri indi almaq istəyirəm... Con Conusun rekordunu qırıb 22 yaşında kəməri almaq istəyirəm."
