Misli Premyer Liqasının 16-cı turunda "Turan Tovuz" "Şamaxı"nı məğlub etdi - 3:2.

Offsideplus.az xəbər verir ki, oyundan sonra meydan sahiblərinin çalışdırıcısı Kurban Berdiyev mətbuat konfransında iştirak etdi.

Mütəxəssis qələbə haqda bunları söylədi:

"2 fərqli hissə oldu. Fasiləyə kimi akademik oyun nümayiş etdirdik. Həvəsimiz az idi. İkinci hissə tam tərsi oldu. Oyunçularımı təbrik edirəm. Xarakter göstərdilər və qələbə qazandılar. Mövsüm ərzində yaxşı təsir bağışladığımız oyunlar olub. Zəif çıxış etdiyimiz matçlar da var. Amma komandanın çıxışından razıyam".