​Misli Premyer Liqasının 6-cı turunda “Şəfa” səfərdə “Qarabağ”a minimal hesabla (1:0) məğlub olub.

Offsideplus.az xəbər verir ki, oyundan sonra baş tutan mətbuat konfransında “Şəfa”nın baş məşqçisi Zaur Həşimov media nümayəndələrinin suallarını cavablandırıb.

​Mütəxəssis matçın gedişatından razı qaldığını və xal qazana biləcəklərini düşündüyünü qeyd edib:

​“Oyun bizim üçün yaxşı oldu. Penaltiyə qədər epizod verməmişdik. 1 xal qazanacağımızı düşünürdük. Komandamdan razı qaldım.”

​Sıx qrafikə və komandanın formalaşma prosesinə toxunan baş məşqçi qarşıdakı dönəm üçün iddialı mesajlar verib:

​“Bu qrafiklə bütün komandalar oynayır. 2 ay yarımdır formalaşmış komandayıq. 3 həftə sonra daha güclü “Şəfa” görəcəyik.”