Çinin tanınmış döyüşçüsü Song Yadong UFC Şanxay turnirində möhtəşəm çıxışı ilə yadda qalıb. O, əsas döyüşdə indiyədək heç vaxt nokauta düşməyən Umar Nurmaqomedovu sensasiyalı şəkildə məğlub edərək "Gecənin çıxışı" bonusuna layiq görülüb.

Offsideplus.az xəbər verir ki, Song ilk raundda rəqibinin bir neçə takedown cəhdini dəf edib və ardınca dəqiq apperkotla Nurmaqomedovu nokauta salıb. Bu qələbə ilə Song 100 min dollar mükafat qazanıb. Gecənin digər "Performance" bonusu Bilal Hasana verilib. O, əsas kartın ilk döyüşündə Nilson Roxası bir zərbə ilə nokauta salıb. Hasan bu ayın əvvəlində Dana Uaytın "Contender Series" layihəsində də qalib gəlmişdi.

Şanxayda yerli döyüşçülər üçün çətin gün olsa da, Song və Liu Ce azarkeşlərə sevinc bəxş edib. Liu Ce də ilk raundda Levi Rodrigues Jr üzərində nokaut qələbəsi qazanıb və bu döyüş "Gecənin döyüşü" seçilib. Kartda digər qaliblər — Denise Gomes, Kai Asakura, Andre Lima, Rei Tsuruya, Francesco Nuzzi, Hector Santiago və Julia Polastri — hər biri 25 min dollar əlavə mükafat əldə edib.