Bu gün 21 yaşadək futbolçulardan ibarət Azərbaycan milli komandası (U-21) növbəti oyununa çıxıb.

Offsideplus.az xəbər verir ki, yığmamız yoldaşlıq görüşü çərçivəsində səfərdə Belarusla qüvvəsini sınayıb və 1:3 hesabı ilə uduzub.

Bu, martın 14-də baş məşqçi təyin edilən Ayxan Abbasovun U-21-də ilk məğlubiyyəti olub.

Onun rəhbərliyi altında komandamız martın 22-də 16 aylıq qələbəsizlik seriyasına son qoyaraq Moldovanı 2:0 hesabı ilə məğlub edib. Bundan 3 gün sonra Şimali Makedoniyaya qarşı keçirilən oyun isə qolsuz bərabərliklə nəticələnib.

Onu da əlavə edək ki, U-21 Belarus səfərindən sonra iyunun 8-də Sumqayıtda Monteneqro ilə üz-üzə gələcək.

4 iyun

Yoldaşlıq görüşü

20:00 Belarus U-21 - Azərbaycan U-21 3:1

Ruslan Milkovski, 38; Kirill Çepenkov, 41; Andrey Denisyuk, 50 - Raul Məmmədov, 22

Baranoviçi şəhər stadionu