21 yaşadək futbolçulardan ibarət Azərbaycan millisinin heyəti bəlli olub.

Offsideplus.az xəbər verir ki, bunu AFFA-nın mətbuat xidməti açıqlayıb.

Samir Əliyevin baş məşqçisi olduğu komandamız iyunun 7-də Bratislavada Slovakiya, iyunun 11-də isə Bakıda Bolqarıstan yığması ilə qarşılaşacaq. İyunun 1-də təlim-məşq toplanışına başlayacaq U-21 ayın 5-də Bratislavaya səfər edəcək və Slovakiya ilə görüşdən bir gün sonra geri dönəcək.

“Qarabağ” futbolçuları Azərbaycan kubokunun final oyunundan sonra iyunun 3-də milliyə qoşulacaqlar.

Qeyd edək ki, Slovakiya – Azərbaycan matçı Senec Məşq Mərkəzində, Bakı vaxtı ilə saat 20:30-da, Azərbaycan – Bolqarıstan qarşılaşması isə “Liv Bona Dea Arena”da, saat 20:00-da başlayacaq.